Draag ‘n patsj …

En doe kins d’r ganse daag durch gen durrep loape, gans incognito, teminste dat dach ich. De luuj bekieke dich da waal mèr ze zigke niks!
Mèr noe is ’t waal ing gans aparte patsj die mieng vrundin veur mich oetgezoch hou veur de keersjmis. Doe wits wal, zoeën Sjotse roet en dan och noch ’n pluum boave drop. Zoeë get wat die doedelzakbloazers in Sjotland draage.
Ich hub die gewoon op gedoa en bin och same mit mieng vrundin gewoon boodsjappe goan doa. In ’t begin vool mich dat hieëlemoal neet op, totdat mieng vrundin zach: wat is dat raar, normaal is ’t hoi hie en hoi doa, bienoa teage iederein! En noe loape de luuj geweun langs dich durch!
’t Liek wal esofste ‘ne misdadiger bis dea sjuus get oetvrèëte hat. Mèr waal get hieël ergs!
Dus vanaaf dat moment toch mèr get vruntelukker gedoa wenn ich inge teage koëm en dat holp ech! Ze mosste twieë kieër kieke en doew koam dat hoi!
De anger vrouw koam ich in d’r winkel teage en ze keek hieël raar en zach doew “Hey doe bis ‘t! Ich how dich neet herkannt! Sjiek is dat!”
Dus tip van de weak: Draag ’n patsj!
Jantje

Leave a Reply

Your email address will not be published. Required fields are marked *